【1396】毅德國際與主席失去聯絡！
毅德國際（01396）公布與主席失去聯絡，指在過去兩周，未能與主席王再興取得聯繫。現時公司日常業務由王再興的兒子王德文領導的管理團隊負責，目前業務營運未受到重大不利影響。董事會正制定適當安排，作為與主席失去聯絡期間的過渡措施。
毅德於本月2日已暫停交易。
出事鳥，total loss機會有50% 應新無事,虎毒不食兒 小弟有貨係手。
不知如何是好。 沒有什麼大不了。買得股票就預左。有咩事發生都要硬食。 focuswise 發表於 2014-7-15 13:36 static/image/common/back.gif
小弟有貨係手。
不知如何是好。
去隔離貼傾。 主席無影毅德照Run
人間蒸發古仔，間唔中會喺新聞出現，上市唔夠一年嘅毅德國際（01396）亦有疑似個案，毅德國際尋日就發公告，指足足有兩個星期唔能夠同主席兼執董王再興取得聯繫，連公司行政總裁、王再興個仔王德文都唔知老竇去咗邊，又一齣尋親記。
阿仔王德文擔起大旗
毅德事件令絲絲憶起，經歷唔少是是非非嘅雅天妮（00789）前主席謝超群，都試過同前妻葉英琴失去聯絡。創辦雅天妮嘅呢對夫妻早兩年突然爆出連串負面消息，最初話謝超群因健康問題需休息，到雅天妮宣布有十日未能與謝超群接觸，要委任葉英琴接手管理職權，至今兩人終告全身而退，由謝氏胞弟謝海州接任主席兼行政總裁。
今次輪到商貿物流股毅德主席暫時失蹤，相信上任行政總裁兩個月嘅王德文都幾唔得閒，雖然毅德目前運作正常，日常業務營運同管理主要交由阿仔王德文領導，但王德文都要聯同班高級管理團隊主持大局，依家仲諗緊過渡措施。睇嚟毅德基礎投資者之一聯想控股旗下弘毅投資，身為第二大股東，都係時候幫手尋人喇。
文: 余絲韻
CarmenNg 發表於 2014-7-16 16:41 static/image/common/back.gif
主席無影毅德照Run
人間蒸發古仔，間唔中會喺新聞出現，上市唔夠一年嘅毅德國際（01396）亦有疑似個案， ...
什麼叫運作正常？其實間公司究竟有乜運作？睇個網站睇唔出有乜實則運作，好似投資概念only！ 我去年睇料的印象中, 呢間係地產公司, 以前圈咗好多地, 租畀啲真正嘅物流公司用, 所以唔需要有乜運作.
franciskmli 發表於 2014-7-17 09:56 static/image/common/back.gif
我去年睇料的印象中, 呢間係地產公司, 以前圈咗好多地, 租畀啲真正嘅物流公司用, 所以唔需要有乜運作.
...
咁有機會停牌幾年！因為政府拉人封艇，把土地充公，不過又唔可公報。。。等幾年就政府用低價收回，股值大跌70-90%！（吹水估下）
頁:
[1]
2