郭博士關於 1340 (惠生國際) 股票提示

Andy

緊記最後勝利者是最有耐力的人。

Hanford

買股票就是夾錢做生意，買博士揀嘅股贏面已比自己揀股高

在這裡批評博士的人，你哋可否公開自己投資嘅紀錄？

Alexng

公開投資紀錄有什麼作用呀？

henry

AK117 發表於 2014-6-2 11:00
散戶買賣股票，絕對不是夾錢做生意，而是賭博！
買博士揀嘅股票，等於跟博士一齊賭錢。

哇！買左好多啊？代郭博士多謝你先！

Yoma

郭老師，師兄們，
如果是長線投資，末學心中揸上10年、20年。而且期望應該升上5、10倍。雖然我不貪心。
但作為投資，當然亦明白會有機會輸好多。
現在，我會先研究一下這公司。派息如何。
如果是優質，1.5、1.7買入，末學認為分別不大。
不過見成交，這只股票應該只能小注玩玩。如幾十萬股。
投資新手，有錯請指正。謝謝

GoingUp168

嘩！買幾十萬股你都認為係細注玩玩，我地仲點敢指正你吖，不如你打救我地E廠D蟹民好過啦

Peter

作超長線遠距離投資，等上升5至10倍，果然宅心仁厚，我想連博士都自愧不如，你快啲黎打救我地。

franciskmli

幾十萬股又真係可以買起平時一日成交量.......
小弟都係睇豬肉佬盤生意冇問題,  係冇能力睇背後的人忠定奸.  既然博士再出提示,  說明可以 *長線投資*,  我就信博士已作這方面的評估,  可以放心持有.
但小弟只得幾萬股.  小則得、多則惑.
(小弟其實不小,  年已半百,  有接近20年和大戶打架的經驗.)

Yoma

franciskmli 發表於 2014-6-4 08:20
幾十萬股又真係可以買起平時一日成交量.......
小弟都係睇豬肉佬盤生意冇問題,  係冇能力睇背後的人忠定 ...

1340豬仔生意個人興趣不大，所以觀望中。可能因為我吃了十幾年素的關係。

1396昨天就試了100,000股，一入就瀉呀。哈哈。

154間公司太新。營業額太低，投機味太重。仲等緊位入。

師兄你夠經驗！希望日後你多分享心得。
我股票失敗、不成功經驗太多了。

franciskmli

Yoma 發表於 2014-6-4 08:55
1340豬仔生意個人興趣不大，所以觀望中。可能因為我吃了十幾年素的關係。

1396昨天就試了100,000股，一 ...

師兄 "試" 都用廿幾萬,  認真唔算小戶,  瞓身唔知會點.......
如果唔係博士引起興趣, 我都唔會睇豬肉佬的, 因為小弟雖不是長素, 也9成素, 和經常勸人吃素. 呢隻股我只望唔使輸.
1396 剛收了股息, 很滿意, 走勢仍穩.  物流是上升中的行業,  肯派高息和小股東分享利益,  加上博士的評估,  應可相信大股東是忠的.
154 照計不是新公司,  但早排有新業務的憧憬炒了一轉.  這類業務雜亂的公司很難評估,  走勢就較差.
整體大市接近見頂,  不論好壞公司,  都不是開始投資的時候.
小弟愚見.