2021 年度〈時空識及木方班〉正在接受報名

erict

　　計我話真係搵掂兩餐，又或者執博士口水尾，有三五七層洋樓收租，食飽無憂米才追求佛學及其他智慧好過。呢個最實際。

erict

　　記憶中，博士講一般人做得到食好餐飯，瞓個好覺，做一次wonderful sex，打好份工，聽一首好歌，睇一套好電影（最後呢幾個我自己加的），已經非常不錯。如果無記錯，係戒定慧（如有錯，多謝指正）。我估計係如果做得到以上幾點，你會少好多煩惱。個人見解，因為今天的商業社會跟千幾年甚至幾千前的世界唔同，起碼以前生活及工作偏向簡單，而現時生活有好多引誘，分散你注意力，例如手機。所以，做齊以上各點，可能已經係修行入門。再強調一次，只是個人猜測。

　　商業世界，九成九的事情同錢有關，所以，搞掂自己，已經非常不錯。搞掂自己，撈得掂，搵到兩餐，以整體看，起碼少一個人的持份為顧慮。再計條來回數，又多一個人有餘力做好工作，甚至有餘力幫助下別人，起碼有銀兩行先，力都大D。成盤數計，可能係功德之一。例如近年香港日日原則上有150個單程證來，假設個個都係伸手牌，如果少一個單程證，又或者150個之中的一個不甘願接受綜援，自食其力，已對社會減少負擔，絕對係好事。

　　個心一定，知分寸，我可以非常大膽講，你睇事物，處事等等，非常唔同，會可能睇到別人睇唔到的大好處。如果個人一定，真係好處多到你唔信。

　　雖然我佛學知識係零，但做得到搵掂兩餐，搞得掂自己，又如果上面講的戒定慧（如有錯，請指正），已經非常大收穫，對人對已對社會都係一件大好事。

erict

alexwush 發表於 2017-4-6 13:35
「搵食啫，犯法呀」，是一源自黃子華棟篤笑《搵食篇》的金句，廣受網民借用。意指一些人，以「搵食」（糊口 ...

　　指教下上面我所講嘅有邊一樣嘢係犯法？

erict

alexwush 發表於 2017-4-6 17:32
我唔明你嘅揾掂兩餐係乜嘢意思，如果要打果電話揾幾百萬先有發言權嘅，我無嘢講，天網都可以收檔 ...

　　搵兩餐的意思係先做好自己。因為，以個人，家庭一分子，公司一分子，社會一分子而言，都係一樣。做好自己，食餐好飯，瞓一個靚覺，看一場好電影，都係做好自己。如做到可以先照顧好自己，就是幫助自己，幫助自己也就是幫助別人。假如我不好好照料自己，例如有重病，至少會令家庭成員擔心，或需要特意看顧，甚至大有機會使用公共醫療等等，不論是家人，朋友，公司，社會，都構成極大負擔，由心靈及社會成本，都大大增加。所以，搵到兩餐，搞掂自己，不但為你自己好，亦為家人，朋友，公司及社會好。　　

　　我相信世上好多好多學習都可以應用在生活層面，最重要係學習某事而可以應用到，至最實際。如果將學到的學問真正應用到，會少咗好多煩惱。因為，你我生活在商業社會。打一句問一句，生活最大問題係咩？係咪生存？包括衣食住行健康各樣，原則上如缺少任何一樣，都增添煩惱，係咪？如果解決到，人係咪減少起碼六七成煩惱？不妨想一想，你我生活在現實世界，一起身樣樣都要錢，香港地唔講錢講咩？你買包檸檬汁要六蚊，你試下比五個九，人哋買唔買比你？當然或者有10%機會肯買比你，但換來一個看扁你的眼神，呢個都係你的成本，因為你無多一毫子，看扁你的眼神就係成本之一，仲要係人哋豪比你，唔買比你天公地道，係咪？

　　我認為，搞掂兩餐已經係好好我自我修正行為，起碼，搞得掂，你有選擇。更何況，人生，從來都由你選擇，行東定行西，你完全可以話事。講打工，一個唔LIKE，你係咪可以拍拍籮柚行人（當然，事後你的生活成本及將來生活如何面對仍然由你承擔）？有銀兩，亦係一種力，呢種力，令你有選擇，可以選擇做一個咩人，做你喜歡的事。起碼，你唔使為五斗米折腰，亦唔使因為銀兩做你不甘願的事，係咪？為了錢做不甘願的事，本身就係一種煩惱，因為你心不甘，情不願。

　　我無講過要打電話賺幾百萬至有發言權，我亦只係代表我自己講嘢，千萬不要誤會。老兄你似乎由一個問題，跳去另一個問題，再跳另一個問題，沒完沒了。例如：我之前問你我對上的留言有邊一個位係講做犯法的事，你無答。

erict

　　就以我近期看過的韓國電影隧道為例。因為戲中不說之說是，有建築公司起隧道偷工減料，搞到隧道倒塌。係咁意圍下條數，韓國約有五千萬人口，韓國地大，好多時要使用車輛，當有一百萬架。而韓國生活指數約是香港七八成左右，假設薪金是香港七八成，而香港一般時薪為50元。倒塌事件後，可能全國心慌慌，每次過隧道都杯弓蛇影，或會花三幾分鐘看看隧道上面有沒有裂痕之類。如果日日都有一百萬駕駛者做同一動作，即是說，每天韓國全國都浪費四百萬分鐘（約66,666小時）看隧道，即是(66,666 x HKD35)/7.8 = 約 USD299,000。假設呢套電影係真，仲未計救男主角時所需的成本，電視台air time，公務員人工，伙食，帳幕，起重機等等架生，呢D全部都係用錢買。

　　因為一個人的貪婪，令韓國全國日日浪費近三十萬美元。這就是非常好的典型例子，幫助不了自己也就是幫助不了別人。

　　原則上，倒塌可以避免發生。試想想，如果根據電影，有一百個貪婪的人令韓國出事，打五折，事後，韓國係咪日日唔見1,500萬美元？

erict

　　你個邏輯一係就唔食飯，一食就要一次過食三十斤飯。一講搵食，即刻跳到李生。即係一講跨欄，九成九係劉翔；一講騎馬，必定是莫雷拉；一講打手機公司工，一定要去到Steve Jobs。喂，唔係掛？彈到咁遠？？？
　　李嘉誠到呢一刻都仲要撈，從佢上次開記招眼濕濕都估到一二。佢今日追求係權力，可以影響別人的權力，有點指兵兵的權力，仲要係一招幾式，有名有利果隻。到今日，你估李生仲要唔要為五斗米折腰？相信唔使。但點解仲要撈？其中一樣我相信係權力慾。因為，權力慾最恐怖之處係，成果唔會在紅簿仔見到，唔係一堆數字，而係感覺。咁抽象，至有無限追逐感。
　　納粹德國戰敗，爭人好多錢；日本戰敗由Mac Arthur接管日本。兩者皆為戰敗國，果一刻，最重要係咩？係咪要企番起身？係咪要至少還清債務先？一個人如果無基本生活條件或者剩低兩個錢唔使愁，痾尿都無力呀大佬。我信博士講，力從錢來，特別係商業社會，我選擇面對現實世界，搵到銀先講其他嘢，當然係正途同埋取之有道。
　　日本同德國唔係之前本身有D本事，鬼蘇你呀。呢兩個國家可以企番起身，都係搵食行先，然後再講其他嘢。自己三餐都搞唔掂，分散精神搞其他嘢而唔係集中火力，想盡辦法改善生活，什麼文化藝術精郎文明即係空談，簡稱9up。
　　煩惱與否，好睇你心境，你可以飲十萬一支紅酒，亦可以去百佳六條草搞掂。個人建議，先搞掂你今日可唔可以獨立生活，可唔可以不再為口奔馳，係咪可以不再為五斗米折腰為先。搵到食，即係你有選擇權，即係你有籌碼，再講其他嘢，好似而家呢一刻，街上仲有大把人因為搵嘢，從事街邊小食，電訊寬頻，打冷等等。我做人非常實際，亦深信己所不欲，勿施於人。至於文化藝術，精神生活，用一個已故德國股神一句話最好：大意是如果我父親有三個仔，屬意第一個是藝術家，第二個油畫家，第三個必須是股票投資好手。

erict

chrisX9 發表於 2017-4-6 16:27
節目回顧：將世界用力提起，再用更大力放低，未嘗富貴就話可以放低，只不過係吹水而已。

照上面咁睇 ...

　　無錯。人一定要定。商業社會，九成事情以經濟掛帥，搞唔掂搵食，個心點定？心慌慌，兩頭騰，左度右度，無精神各樣，何來觀察力？
　　非常相信，搵到食，有閒情，無壓力，唔會分散注意力，做事精益求精，你至可以欣賞各方面事情，才有睇法。話唔定，當你一日好得閒，無端端會比你發現到一兩條財路，提升你自己的條件搵銀，更勝以前，多個機會做好事，騰出的時間再去另一層面做其他有益的事都唔定。
　　世事好多時係咁，當你觀察力突然大增，你會睇到以前你不為意的地方，原來一直都在你面前，只不過你唔為意，唔係講笑。

erict

容燥兒 發表於 2017-4-8 13:51
https://www.youtube.com/watch?v=RvsI1zbyRzY
攻殼機動隊之空間中的身份(中文字幕)

　　聽講好好睇？市問你睇咗未？有咩評價？謝謝。