郭博士關於 1340 (惠生國際) 股票提示

Peter

作超長線遠距離投資，等上升5至10倍，果然宅心仁厚，我想連博士都自愧不如，你快啲黎打救我地。

franciskmli

幾十萬股又真係可以買起平時一日成交量.......
小弟都係睇豬肉佬盤生意冇問題,  係冇能力睇背後的人忠定奸.  既然博士再出提示,  說明可以 *長線投資*,  我就信博士已作這方面的評估,  可以放心持有.
但小弟只得幾萬股.  小則得、多則惑.
(小弟其實不小,  年已半百,  有接近20年和大戶打架的經驗.)

Yoma

franciskmli 發表於 2014-6-4 08:20
幾十萬股又真係可以買起平時一日成交量.......
小弟都係睇豬肉佬盤生意冇問題,  係冇能力睇背後的人忠定 ...

1340豬仔生意個人興趣不大，所以觀望中。可能因為我吃了十幾年素的關係。

1396昨天就試了100,000股，一入就瀉呀。哈哈。

154間公司太新。營業額太低，投機味太重。仲等緊位入。

師兄你夠經驗！希望日後你多分享心得。
我股票失敗、不成功經驗太多了。

franciskmli

Yoma 發表於 2014-6-4 08:55
1340豬仔生意個人興趣不大，所以觀望中。可能因為我吃了十幾年素的關係。

1396昨天就試了100,000股，一 ...

師兄 "試" 都用廿幾萬,  認真唔算小戶,  瞓身唔知會點.......
如果唔係博士引起興趣, 我都唔會睇豬肉佬的, 因為小弟雖不是長素, 也9成素, 和經常勸人吃素. 呢隻股我只望唔使輸.
1396 剛收了股息, 很滿意, 走勢仍穩.  物流是上升中的行業,  肯派高息和小股東分享利益,  加上博士的評估,  應可相信大股東是忠的.
154 照計不是新公司,  但早排有新業務的憧憬炒了一轉.  這類業務雜亂的公司很難評估,  走勢就較差.
整體大市接近見頂,  不論好壞公司,  都不是開始投資的時候.
小弟愚見.

TonyLeung

小弟愚見，寧買隻賺住來炒的，都不再溝蝕住來炒的。

Patrick97

以下純粹公開討論！並無對任何人士不敬。
歸納網上其他人士對惠生國際的「另類」意見，可以得出以下六點：

第一： 惠生國際上市連四大會計師行都唔用，新上市起碼要用一次，
證明呢個老闆係一個孤寒財主，呢種莊行內稱作「孤寒莊」，
一般散戶如果想從「孤寒莊」手上獲利，簡直異想天開。

第二： 大家可以翻查記錄，看看有那間公司，用細會計師行上市，股價會大升？
唔跌到仆街，已經是阿隬陀佛。毅德國際上市，是用四大會計師行中的畢馬威會計師行，
呢個莊肯定手鬆。

第三： 有分析人士認為，在過去兩年豬肉屠宰行業不景氣的狀態下，
惠生國際能夠持續實現盈利，這與行業波動曲線並不一樣，其真實性十分可疑。
《第一財經日報》記者曾經作出查詢，但惠生國際並不回應。

第四： 惠生國際以公允值減銷售成本入帳，條數完全唔知點查。生物資產水份極高，
賺錢、蝕錢基本上可以随便亂噏，贏、輸随佢定義。而佢是否賺錢，外人真係唔知。
賺錢唔派股息，十分可疑。不回應記者查詢，顯然對自己條數心虛。

第五： 股市反映其真實價值，惠生股價下跌，正是要去除其中水份，反映其真正價值。

第六： 惠生國際自己講緊做十億生意，如此細眉細眼，肯定沒有大行入貨，
唔通中國社保基金或者淡馬錫會睇中呢隻野？如果股價控制在散戶手上，股價唔跌至奇。

最後本人十分相信博士，亦相信惠生國際股價，一定可以返回兩蚊。
博士能夠打開口牌，實在藝高人膽大。

LG13680

返回兩蚊都係平手蝕少少息和手續費.  希望早點上返上去蝕少少走貨算數.

101

Patrick97 發表於 2014-6-4 17:15
以下純粹公開討論！並無對任何人士不敬。
歸納網上其他人士對惠生國際的「另類」意見，可以得出以下六點：
...

我各得你分識得好有道理,但用上孤寒會計師行.

博士班智囊團冇理由睇唔出,

又吾系牛頭角順嫂炒股價,

不過都多謝你講出正常說話.

吾吹果幾果刷鞋仔

Patrick97

以上分析，純粹歸納別人的意見，一切言論與本人無關，
本人並不持任何立場！
我貼出來分享，只當是笑話一側看待。
但其中開了某報社名字，甚感不安，所以有必要寫明出處：
http://www.yicai.com/news/2014/02/3479891.html

Yoma

Patrick97 發表於 2014-6-5 10:22
以上分析，純粹歸納別人的意見，一切言論與本人無關，
本人並不持任何立場！
我貼出來分享，只當是笑話一側 ...

這只股普通人很難看得通。
其實很多行業，如果真的賺錢、真的有潛質，個人認為沒上市的必要。你公司能賺錢，要大幅拓展業務，如果實賺，你怎樣也借過來吧。如果風險很大，你才上市集資吧。

我認識幾家公司（十分熟悉他們業務），由一家普遍公司，再上市。大股票變了助他搞上市的公司。而原來幾個舊股東變了第二三股東每個cap了幾億。上市5年後，市値由20多億變回2、3億，這個我認為是該公司實際的市値。

上市他們可以cap水，又可以過下做上市公司主席、董事的癮，十分爽。
股場太多老千。