澳門已開始用內地人當政府官員

LG13680

https://www.youtube.com/watch?v=DbO8IRbpltE

想博士評論一下澳門未來.

soho888

好快到HK .........

澳門幾聽話 ( 唔要民主) .....  連法制都跟埋大陸

用一班唔識澳門法既人做法政單位....全面大陸化...

一國兩制,澳人治澳....已經玩完 ( 回歸只係十五年)

HK 唔知頂得幾耐....

琉璃光

中環的羅兵咸 , 新入職的會計師  已經全部請拪大陸人 .

Nelsonlai

這就是共產黨所講的，澳人治澳嘛！講就天下無敵，就是共產黨口號囉！

觀奇洋服都係講一套做一套，但共產黨講一套，可以做十幾套啊！

相信共產黨，我都可包你連屎都無得食！

hkvcdso

香港已行在好耐啦.............
公務員聽司長話
司長聽特首話
特首聽大陸話
不流血不妥協
全部跟呵打做算唔算港人治港？？？

葉雅圖

敬送一客，木魚蛋散　　　
薛俊良Isaac Sit


本來我都係D政治冷感人，經過左五年(唔專心咁)體驗，思考，單對單面談過不少立法會議員、區議員、AO、EO、智庫幹事、NGO、教育局官，以至政府 department head 同政治助理，得出來一個對特區政府的印象：

1. 政府係個好龐大而複雜的組織，infrastructure麻煩到連D官都唔能夠理解。department 各自要保證自己「做啱」，唔「越權」，所以凡未有先例的事，就會响 department 之間踢來踢去。
官員一級管一級，完全不會鼓勵「創新」、「改革」，因為怕揹鑊。
有權去創新改革的，只有問責局長。問題係D問責局長，加埋D行政局議員，係有理論或管理經驗，但係草草上任前，都冇心理準備，冇諗過成個社會點樣先可向前走，更加唔識點樣去擺平各種「政治風波」同政客刁難。畢竟要理解現狀已經好困難，要帶領成個局，就更困難。
响而家批判氣氛極重的社會環境，更加怕揹鑊，更加唔想搞搞新意思。
而特首，除非佢本來就响政府撈左十幾年，否則根本冇辦法去管理一個十幾萬人的組織，我係講緊「管住先」都要有呢個條件。如果特首唔係有一百幾十個猛人，跟住佢一齊上任，根本乜都做唔到！
所以而家香港政制係好有問題，因為特首冇「政黨」back up，去制定政策，但係批評政策果邊，卻是有「黨」的。
所謂「真普選」，結果會使問題更仆街。因為一條好有理想、好presentable，同以為自己好勁嘅友，有機會選到特首。上任後先知道，無論「一個」人點勁，都冇辦法駕馭到咁大個組織。


2. 香港政府，一向就係個「地方政府」，港督同高官係英國派來的，由一國精英back up。開放俾人去選的，係「議員」，幫人民向政府出頭。
英國人走左，香港仍是個「地方政府」，冇政黨「執政」，大陸又唔可以委派官員落嚟，因為係人都知香港比大陸先進。
結果老董就「一條人」突然就上任，背脊冇back up！錯x哂。但係香港人只有幾條友睇穿件事有幾唔對路，其他人冇人知乜事。點解？
因為開放俾人去選的，係「議員」，佔據傳媒，街知巷聞，邊個批評越叻，越稱職。結果香港人以為只要識得話乜嘢唔啱，乜嘢唔work，就係政治。錯x哂。
政治應該有立有破。應該有數以萬計的人，識得去諗「點先work」「應該點做」，然後有數以十萬計的選民，對「點先work」有sense，個社會先可以向前。

而家個社會係「全部人」，都係等政府去諗「點先work」，覺得係老奉，唔關自己事。
然後有數以十萬計的選民，只係識投訴，focus响「乜嘢唔work」，又唔諗「點先work」，然後以為自己已經「參與左政治」，以為自己好「關心社會」。

同時，而家政府，並冇一條可供「循序漸進」的階梯，去俾人爬上「執政」的水平。而香港人又以為 (因為慣左老奉)「總會有D人」，生出來就識做特首。
所以而家最應該做嘅，就係成立一D民間組織，去(練習)議政，諗「點先work」，點樣綜合資訊，點樣預計結果，點樣說服人。目前最接近的組織係 Roundtable，但未做到我心目中的地步。
所謂 “Being is. Doing Does.” 要民主，港人治港，先要港人 being 左有治港能力，自然會得到治港的實相。
你見唔見林奮強，自己俾左幾百萬，請左十幾條靚，去研究土地政策，要減低通漲貧富懸殊。自己好似儍仔咁，不停遊說，結果入咗行政局。就係 “Being is. Doing Does.”，從下而上的例子。
但係林奮強上任冇耐，就俾人捉到痛腳，要「休假」，亦係D官 “有理論或管理經驗，但係冇擺平「政治風波」的經驗" 的例子。好一個想改變社會的人，本來可能就減低到貧富懸殊。但捱唔到兩下敵人陰招，於是大家繼續去喊苦喊忽。
待續。

葉雅圖

3. 由 first principle 開始了解政治，就係要知乜叫做「公共」。社會上有好多嘢，係人人都想要用，但係冇人想做。例如馬路，人人都想要用，但係高昂的建造成本唔知揾邊個俾，做完冇利潤，咁就冇人肯做。結果就係選個人人都信任嘅大佬，個個無差别地夾錢，俾佢負責全盤計劃去做。
當然最早嘅「公共」，就係調停戰爭，然後係救濟天災難民。後來城市化越高，就越來越多「公共事務」，以權謀私越來越層出不同，使制度越來越複雜。然後政治恍惚變成了污穢、卑鄙的同義詞，而D人忘記左個原意。

政府同私人企業主要分別，係私人企業的成立只因為三件事：
a.達到創會目的。 b. 追求利益。c. 追求壯大。

所以私人企業總係有好清楚的奮鬥目標，好容易量度成敗。
但政府唔同，政府任何時候都係做「公共」嘢，唔追求利益，又唔追求壯大。任何時候都要面對社會不同持份者(stakeholder)，面對不同價值觀，不同處境嘅人，根本唔知乜嘢叫做好。諗唔到唯有一路照規矩做，無奈呢一代就係人類歷史上演變得最快嘅一代，所以而家全球多數政府都係被市民埋怨緊，不論民唔民主。

以管理私人企業的心態同方法，去管理政府，根本唔work。政治人的mindset係一種專業，同香港人認識的其他專業唔同，冇人培訓，甚至冇乜人明白件事係點。所以之前話香港人無論幾聰明，响政治上就係蠢。
而家使件事更難嘅係，政府要成日面對橫蠻無理嘅人，面對想鈎結權力者使政策向自己傾斜嘅人，面對想對(本國)政府不利的人。要應付到呢D人，一定要响足心理上，有超乎常人的水平，好明顯而家D官响呢方面，連常人的水平都未到。

所謂提高政治智慧，就係要做到：
a. 明白各stakeholder的利害，處境，同價值觀。
b. 能夠從眾多觀點、建議、同批評中，諗到一個對大局最有利的做法。
c. 在作出一個行動、策略前(包括公眾講話)，就估計到各stakeholder大約會做乜反應同行動。
d. 隨時要預備應付環境變化、策略失敗可能性、同「惡意」。

hkvcdso

政府所謂提高政治智慧，就係要做到：
小做小錯、多做多錯、唔做無得錯、有錯就是你錯

政治等於利益、利益分配不平衡就出現政治、政治就是高官富商市民政客再分配利益？